معلش خاطرة قديمة شوية ...
لكن اليوم الوقت متاح امامى لاتكلم فلاتكلم
الامتحانات ..ببساطة تساوى غش غش غش
و الله احيانا اترك الامتحان دقائق و اراقب فلان و هو بيركز على المراقب علشان مع اول التفاته يلقط كلمة من فلان
و لا صاحبنا علان اللى باع القضية و بيغش عينى عينك
و لا و لا ...
طيب جمهور الغشاشين يا إما واحد ما ذاكرش - او نشن و طلعت خطأ-
او يكون ذاكر و لم يتذكر
طيب فى منطقى الاتنين سواء
و الغش غش
طيب جملة قالتها صاحبتى.. بس انا مش بأغش بس أنا باغشش كمان يعنى اللى عايز حاجة باديهاله
يعنى مش غلط و لا حاجة
يعنى هى مش حتكسب وحدها و الكل سيكون مستفيد
يا سلااااااااااااام ...
و كأن الله حرّم الغش لأن المستفيد طرف واحد..فلما يكونوا اتنين يبقى تمام
!!!
الغش = ناس تأخد غير حقها
الغش = درجات بلا حق
الغش = تقدير -ان جاء- بلا حق
الغش = وظيفة بلا حق
الغش = مال من وظيفة بلا حق
و كل لحم نبت من الحرام فالنار أولى به.. النار أولى به.. أولى به
و من يعتاد الغش فى الصغيرة.. لا يؤتمن على الكبيرة
و الأمة لن تنهض بغشاشين
من يغش قبل أن يلتجأ لزميله او لزميلتها لا أظن انه التجأ إلى الله مالك الملوك المتصرف فى الأمر كله
و ربنا يهدى الجميع..
2 comments:
السلام عليكم
اتذكر في احد امتحاناتي
ان واحد صاحبي من زمان كان بجانبي يوم الامتحان وبعد الحل لقيته عاوز يغش مني فرفضت وقلت لا المفاجأة انه زعل منى
يلا هو احنا في زمن ابن الخطاب لاقدر الله
دا احنا في زمن كل لحطة فيه بنفول انا لله وانا اليه راجعون
بالفعل .. يتضايق البعض لأنك منعت عنهم الغش
اياُ كان مكانك فقد تكون طالب مثله و ترفض تغششه
و قد تكون مراقب و تضيق عليه الخناق
و فى الحالتين يغضب منك و يتجهم و كأنك منعته حقاُ طبيعيا له
سبحان الله
و السبب الأساسى فى كدة الثقافة و التربية
فالأم تعلم أحيانا ان ابنها بيغش لكن تغمض عينيها علشان ( الواد ) ينجح و يعدى من الكلية
و كأنه يأخذ بالأسباب
و تقول الأم : ما هو الكل بيغش
و كذلك الأب.. و كذلك المدرس الذى يسمح للطالب بالغش
دور سلبى
و العجيب المدرس اللى بيشجع على الغش
دور ايجابى فى الغش
و يقوم بدور حمامة السلام بين الطلبة المحتاجة
نسوا الرقيب..
Post a Comment