اتعجل المستقبل ^_^

ربمااااا
!!!

قد تبدو هذه سمة لمن يخطط

يظل يرسم المستقبل حتى يظنه قريبا و عندما يراه بعيدا
يتمناه قريبا ..
!!

قد تكون سمة مرحلة وسطى .. انتقالية ..
بين شىء و أشياااااء
فنود لو أن الشىء يمر و تأتى الأشياء
!!

فى الانتظار
و من يدرى

و لكن بالرغم من الانتظار و العجلة
لا يفوتنى ان استمتع بــــ الآن
!!
فيظل ممتع رغم ان ما هو قادم أمتع
بس كدة :)
...

أخبارى الآن..

الآن .. ماذا أفعل ؟
:)
إنها المذاكرة المذاكرة
فى لحظاتى الأخيرة معها
... نعم فهذه آخر سنة
لا لم أقل إنى لن اذاكر بعدها...بل ظنى إنى لن انتهى ابدا من المذاكرة
و لكــــــــــــــــــــــن
المذاكرة بعد الليسانس حقا سيكون لها طعم مختلف
:)
...

و بجانب إنى المفترض إنى مشغولة بالمذاكرة
انشغلت بشىء آخر
حقا رااائع
إنها مكتبتى الالكترونية
اجمعها و اجلس ساعات على جهاز الكمبيوتر اجمع الكتب الكثيرة التى اتمنى ان اقرأها يوما

فى مجالات عدة..و لكتاب كثر
لكنى سعيدة بهذا الكنز :)
..
و الكتاب الالكترونى ربما لا يكون ممتع كالكتاب الذى تمسكه بين يديك
لكن لظروف مثلى فهو المناسب
فلن يناسبى أن احمل فى حقيبة سفرى كل ما اريد من الكتب فى حين أنه لن يرهقنى حمل اسطوانتين عليها كل ما اريد
كما لا انوى شراء كل هذه الكمية من الكتب فى كل هذه المجالات
و استفيد من الكتب الالكترونية لاتعرف على انواع من الكتب لن افكر يوم فى شرائها لكن لا مانع من اخذ فكرة عنها إذا ما وقعت تحت يدى
...
يكفى هذا
و نسألكم الدعاء
:)

حبيتك لالتزامك

قراتها فاعجبتنى جدا و اريد ان تقرؤوها معى
:)


حبيتك لإلتزامك . . . . . . . . . . . . حبيتك لاحترامك
حبيت فيكي التواضع . . . . . . . . . . . . والعزة اللي ف كلامك
مبسوط منك لأنك . . . . . . . . . . . . إسلامك كل همك
أنا أصلي قابلت بابا . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك . . . . . . . . . . . . لكلامه وانت راضية
وازاي بتسلي نفسك . . . . . . . . . . . . بذكرك وانت فاضية
وحلاوة صوت تلاوتك . . . . . . . . . . . . وازاي بتكوني شادية

* * *
وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . . . . . . . مطبوعة نسختين
غني كنت أو فقير . . . . . . . . . . . . ليك عند بنتي دين
سرك هيكون في بير . . . . . . . . . . . . معرفش مكانه فين
تفضل دايماً كبير . . . . . . . . . . . . في نظرها حبتين
لو جيت بفلوس كتير . . . . . . . . . . . . تطمن جت منين

* * *
هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . . . . . . . . . . . بنت حماتها وحماها



* * *
وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . . . . . فسألته يعني إيه؟!
قاللي العادي إللي كان . . . . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان


ده العادي بتاعنا إحنا . . . . . . . . . . . . بنربي عليه عشان
لو جينا ولا رحنا . . . . . . . . . . . . هنقابل الرحمن
عمرك ما تخاف عليهم . . . . . . . . . . . . ولادك في الأمان
أنا بنتي هتربيهم . . . . . . . . . . . . ع السنة والقرآن
هتشوف ابنك بيصحى . . . . . . . . . . . . مادام سمع الأذان
ينزل في الفجر يقرا . . . . . . . . . . . . بالسجدة والانسان


هتشوف في حجاب بناتك . . . . . . . . . . . . العفة والإحسان
هتشوف إزاي مراتك . . . . . . . . . . . . هتعينك إنت كمان

* * *
وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . . . . . . . . . أجيب منها الحزام
وعبال ما رجعت تاني . . . . . . . . . . . . كات رجعت ف الكلام
الله يجازي الشيطان . . . . . . . . . . . . خلاها تقول أنام
بس اطمن خلاص . . . . . . . . . . . . دلوقتي بقت تمام!


* * *
قدملي مكة كولا . . . . . . . . . . . . قاللي اتفضل وسمي
أحسن من سكة كولا . . . . . . . . . . . . صدقني وخدها مني



قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . . . . . . . . تناسبني وترضى عني
راح شادد فجأه لبسي . . . . . . . . . . . . وقلب وشه وسألني

* * *
حافظ كم جزء يابني . . . . . . . . . . . . وقاري كم كتاب
احكيلي كده عن مؤت . . . . . . . . . . . . أوغزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه . . . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثواب
وناوي ازاي تحسن .......................أنا

شايفك لسه شاب

* * *
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب ... . . . . . . . . وعشان خاطرك عصرني
وظهرت النتيجة . . . . . . . . . . . . وبفضل الله قبلني

* * *
قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي

* * *
سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية

* * *
ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء

* * *
قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت باشوف ابتسامتك
ف أقول من جوه نفسي . . . . . . . . . . . . يارب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وانا قلت مش مروح . . . . . . . . . . . . غير لما أكون خطبتك

* * *
وابوكي جاني تاني . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قاللي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني

* * *
كان أول مرة أعرف . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . . . . . . . . . . وشجرة صبري تطرح

* * *
خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة

* * *
صعبت عليا مامتك . . . . . . . . . . . . الموقف كان شديد
لكن فعلاً خطفتك . . . . . . . . . . . . ورحنا مكان بعيد
فاكرة ولا انتي ناسية . . . . . . . . . . . . أكيد فاكرة أكيد
من يوم ما بقيتي زوجتي . . . . . . . . . . . . وانا متهني وسعيد
معايا ف كل يوم . . . . . . . . . . . . ويوم لؤاكي عيد
عمرك ما دقتي نوم . . . . . . . . . . . . وانا تعبان أو مريض
فلوسي كات بتكتر . . . . . . . . . . . . والخير عندك يزيد
وعامله ليه دفتر . . . . . . . . . . . . ومرتبه المواعيد
وبفضل الله قدرتي . . . . . . . . . . . . وجبتيلي الوليد
وبعديها بشوية . . . . . . . . . . . . جبتيلنا عليه يزيد
وبعديه جت سمية . . . . . . . . . . . . وآخرهم كان حميد


بدعيلك كل يوم . . . . . . . . . . . . وأفضل أعيد وازيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط . . . . . . . . . . . . ومعاه رتبة عقيد
ودعوة قلبي صابت . . . . . . . . . . . ويزيد أهو مات شهيد
وبنتك صيدلية . . . . . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد

* * *
عشت معاكي ف حكاية . . . . . . . . . . . . أحلى وأجمل رواية
حكايتي كات معاك . . . . . . . . . . . . وحكايتك كات معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفايه
مش عاوز أشوف دموعك . . . . . . . . . . . . بالذات ف يوم عزايا
أنا عارف إنتي عارفة . . . . . . . . . . . . إن الموت مش نهاية
دي لسة الرحلة طالعة . . . . . . . . . . . . والموت خط البداية
إدعيلي يمكن أوصل . . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوزله هناك سرير

وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغنايا
وأمانه ف كل مرة . . . . . . . . . . . . تدعي لي بالهداية
عسى ربي بدعائك . . . . . . . . . . . . يغفر ليا الخطايا

* * *
منقول

بارقة أمل

اليوم فى وقت (ما) كنت فى مكان (ما)..

كان ذهابى لغرض (ما) و تحقق الغرض لكن وجدت بجانبه ... بارقة أمل

هو القدر من وضع اليوم فى طريقى هؤلاء الأشخاص لنتحدث فيما تحدثنا فيه

توقيت غريب بالنسبة لى.. سبحان الله ربما يكون هو التوقيت المناسب و ربما لا
حقاً لا أعلم

المهم بهذا رايت بعد فترة طويلة لم أكن أرى .. بارقة أمل

سعدت كثيرا و ازددت حماساً
تأملت خيراً

ادعو الله أن يتمها الله على خير
فهو يعلم كم أتمنى هذا الموضوع و ارجو له النجاح و قيادة الحياة عفواً صناعة الحياة
....

المــحــكــمــة

لمن لا يعلم فأنا طالبة فى كلية الوزراء

^_^

عفواً كلية القانون اقصد يعنى كلية الحقوق

و قريبا كان عندنا (زيارة) للمحكمة

!!

و ليست أى محكمة..بل دائرة الجنايات

..

كما رأينا من قبل على شاشة التلفزيون

قفص و متهم و شاويش

قاضى و محامى و نيابة

اهل و جمور و شهود بيتفرج

..

أغلب القضايا كانت اتجار مخدرات ما بين حشيش و هيروين

و هناك قضية سرقة بالاكراه ليلاً.. و اخرى تزوير

..

المرافعات كانت بعضها سخنة و بعضها هادىء

وكيل النيابة لم نشعر بوجوده أصلاً

القاضى أحيانا كان يحاول الحفاظ على هدوءه و غالباً ما يفشل

السمت العام ... الترقب

..

فى النهاية.. وقت النطق بالحكم

خمس سنوات سجن مشدد

ثلاث سنوات سجن مشدد

سنة سجن مع وقف التنفيذ

و 5 أحكام بالبراءة

والاهل بين ( صويت) و (زغاريد) و المتهمين بين دموع قهر و دموع فرح

جمع بين متناقضات فى لحظة واحدة بين أناس كثر

...

تعجبت من :: محامٍ يعلم أن من أمامه مذنب و يحاول اخراجه بل و ينجح أحياناً

!!

من شخص يعلم أنه اخطأ و يدعو و يقرأ القرآن أن يخرج منها

!!

.....

أشد ما لفت نظرى هو كيف أن هناك أناس ( مختلفين ) فعلا مختلفين فى كل شىء

نظام حياة ..تفكير .. أحلام .. نظرتهم للدنيا

نظرتهم لله .. للدين

كل شىء

قد يكون نوع من البساطة أو ......... العمق

!!

21

امس الحمد لله أتممت وااااااحد و عشروووووووون عام

ياه الواحد بقى له كثير فى هذه الدنيا

:)

كل سنة و أنا طيبة

^_^

و يا رب يأتى هذا العام على ما يرام

اللهم اهدنا و اهد بنا و اغفر لنا

:)

مدونتى..العام الأول

اليوم يوم ميلاد مدونتى...

كل سنة و هى بخير

كان يجب فى يوم ميلادك احتفل بالتقييم

لكن حقاً البال مشغول عن التقييم و الحساب

فعذراً مدونتى

لكنى اسجل فى يوم مولدك اعتزازى بك و حبى لك رغم كل شىء

فأنتى أنا ...

:)

و كل سنة و أنتى طيبة
....
...

عادتين قديمتين :)

منذ ايام قررت العودة لعادتين قديمتين ..

اولهما القراءة

:)

و بدأت بكتاب رجال حول الرسول قرأت لصحابيين جليلين

عبد الله بن رواحة

خالد بن الوليد

و تانى كتاب كلام من القلب

قرأت ارضاء الله

الحب

و بدأت فى الروح و المادة

و يا رب المزيد من القراءة

......

تانى عادة هى السواك

:)

سنة عن الرسول- صلوات ربى و سلامه عليه- و صحة

....

الله المستعان

و يا رب عادات تانية قديمة تظهر على الساحة

:)