كل سنة و أنتم طيبون :)

غداً وقفة عيد الفطر

و يوم الأربعاء العيد

كل سنة و كلنا طيبيون و بخير

و بعودة الأيام

فرحانين بالعيد..زعلانين لمرور رمضان

تقبل الله منا و منكم صالح العمل

و نسأل الله الثبات الثبات

يُقال علامة قبول رمضان..الثبات بعده

فهل قُبلنا...؟ سنعلم فى الأيام القادمة

و يُقال ايضا ان الشيطان و النفس حتسعى انها تخبط خبطة كبيرة بعد رمضان

علشان تقولك مفيش فايدة

!!!!!

صليت وصمت و دعيت و قرأت قرآن

لكن انت اهو وقعت اول ما رمضان خلص

و كأنها تقول..

أنت لسه ما تنفعش تبقى كويس

!!!

عجيب أمر الشيطان

فنخلى بالنا اووووووووووى فى الأيام الأولى

و بعد رمضان دايما تأتيتى ثلاث افكار

اولها التقوى ... هدف الصيام

فهل تحقق؟

ثانيها ... الاستقامة

و هى الثبات..كيف سيتحقق؟

و ثالثها ... الدنيا

كيف سأتعامل معها بعد ما ذقنا حلاوة الآخرة

فى كلام باستفاضة أرجو ان يأتى لاحقاً

لكنى مستعجلة - كالعادة- :(.... فأعتذر

كل سنة وأمتنا بخير

و بعودة الأيام

دورة من طراز خاص

خاص جدا ......

اعتذار...لأنى مشغولة

اعتذر عن التوقف شوية الأيام القادمة...

و بإذن الله عند العودة نستكمل كورس التسويق و المحاسبة

...

...

استعد الآن لدورة فى القاهرة الاسبوع القادم

و هى مختلفة هذه المرة لاسباب كثيرة

أنا فيها مدربة

و خبرتى فيها اكبر من سابقتها

و مع ذلك اهتمامى بها ليس كسابقتها

اشخاص حولى اهتم بهم قلقانين.. و دة شىء يقلقنى

...

أملى أن تمر على خير و سريعا

و متأكدة انها باذن الله ستكون تجربة حلوة تضيف زهرة لبستان خبراتى

( التعبير مقتبس من صاحبتى ياسمين)

:)

رايحة و ناوية أتعلم ^_^ و احاول افيدهم على قدر ما تعلمت فى السابق

.......

على كل حال... انا مشغولة

و اعتذر للمدونة على الغيبة القادمة

و يا رب لا تطول

.....

فى حفظ الله و أمنه

:)

خاطرة من زمان..أحداث متداخلة

خاطرة قديمة ... احداثها ربما من شهور مضت ... من زمان لكن جاءت على البال فقلت اكتبها..

.

.احيانا تسير الأمور من حولنا.. و لا نعلم إلى أين .. لا نملك أن نوقفها.. لا نملك أن نغيرها...

.لو كانت باختيارنا لكنّا غيرنا فيها الكثير.. و ربما أجلّنا بعضها و غيرنا فى أبطالها... و ربما اخترت ألا تحدث من الأساس..

..

احساس مختلط اشعر كأنى فى قلب الحدث و أيضاً اشعر كأنى لست فيه فى آن واحد.. كأنه شريط أحداث انتظر نهايته لأعلم ما بعده
موقفى مترقبة .. منتظرة... يدور فى ذهنى .. و ماذا بعد ؟!

..
لا تشغلى الاحداث غير المفهمومة على قدر ما يشغلنى الرسالة التى دوما ما تصلنى بعد كل ( كعبلة أمور ).... نعم نعم .. فكلها رسائل و لكن ليس كلنا يفهمها..

..

..
وقتها اعلم ان كل شىء بقدر ... و ان له سبب ... ابحث دوما عن السبب.. عن الحكمة.. عن العلة...

..
ليه يحدث كدة..؟ ليه كل هذه الاشياء معاً فى آن واحد ؟ ليه التوقيت دة ؟ ليه الاشخاص دول ؟

..
ليس تساؤل تسخطاً على الله.. فالحمد لله دوماً..

..
لكن للتعلم.. يــــــــــا رب ماذا تريدنى أن اتعلم ........................................؟!!!

..

..
دعائى ليس أن تنتهى الأحداث.. و لا يهمنى على ماذا ستنتهى.. بجد لا أكون مهتمة أن تنتهى يمين أو شمال.. على قدر ما اتساااااااااااائل... ايه و بعديــــــــــن ؟

...
و اظل فى موضع الانتظار حتى أعلم و أتعلم...
و على قدر الرضا على قدر ما سيسرع الله لك رؤية السبب و يسوق لك الحكمة...
و الحمد لله معى ما ان تنتهى الأحداث و احيانا قبل النهاية .. تستقر الأمور و تستبين الحكمة و اتعلم الدرس... و يزداد يقينى ان كل شىء حقاً بقدر ..

.
ياااااااااااااه راحة عجيبة .... إذا انعم عليك الله بأن علمك حكمة ما يحدث لك من حولك...

.
بجد معنى للاستقرار الذهنى... لن يعرفه إلا من ذاقه..
احساس ان الأمور يفدرها لك عليم خبير.. أدرى بحالك.. أحن عليك من نفسك... احساس فعلاً مريح

:)

.
و العلة...
غالباً بتكون الاحداث المتداخلة تمهيد لشىء كبير... أفضل بكثير... يدخره الله لك... لكن لن يأتيك إلا و أنت مستعد... فلازم يسبقها الأمور الغير المستقرة

:)
احيانا بتكون الحكمة فقط الاختبار... مدى قوتك.. مدى صبرك.. مدى رضاااااااااااااك... و بتكون هدية الاختبار رائعة دوما و يكفى احساس الرضا

:)
و اسباب كتير وراء الاحداث غير المفهومة...

.

.
الجميل فى الأمر ...
أنا الآن... حينما اذكر أحداث سابقة.. كانت غامضة فى وقتها و كنت مترقبة و هى تحدث من حولى... فقط
ابتـــــــــســـــــــــم
:)
الحمد لله الذى هدانا لهذا و ما كنا لنهتدى لولا أن هدانا الله

خطوات عملية فى شعبــان

السلام عليكم و رحمة الله

شهر شعبان ..

كيف الحال فيه؟ اليوم .. 8 شعبان

.....

طيب عن حِبٍّ رَسُولِ اللهِ صَلَّى الله عَلَيْهِ وَسَلَّمَ أُسَامَةُ بْنُ زَيْدٍ رَضِيَ الله عَنْهُ قَالَ

قُلْتُ: يَا رَسُولَ اللَّهِ لَمْ أَرَكَ تَصُومُ شَهْرًا مِنْ الشُّهُورِ مَا تَصُومُ مِنْ شَعْبَانَ،

قَالَ: "ذَلِكَ شَهْرٌ يَغْفُلُ النَّاسُ عَنْهُ بَيْنَ رَجَبٍ وَرَمَضَانَ وَهُوَ شَهْرٌ تُرْفَعُ فِيهِ الْأَعْمَالُ إِلَى رَبِّ الْعَالَمِينَ فَأُحِبُّ أَنْ يُرْفَعَ عَمَلِي وَأَنَا صَائِمٌ".

أخرجه أحمد (20758) والنسائي ( 1 / 322 )

فالصيام الصيام فى شعبان

و الاستعداد لرمضان ... يأتى من الآن

فهل ترى سيارة تسير بسرعة من غير ما يسخن الموتور ؟

حيكون صعب عليكم و عليا الانطلاق فى رمضان ... لو الموتور لم يستعد من شعبان

و لا نريد ان يضيع اول تلات او خمس او عشر ايام من رمضان فى التسخين

خــــــســــــارة

^_^

فاستعدوا و علوا الهمة ... و الله المستعان

اقتراحات عملية

حافظوا على الصيام ما استطتعهم

لازم يكون ورد من القرآن من الآن يوميا

السنن الــاثنى عشر الراتبة

و بعد الثبات شوية .. نتكلم عن قيام الليل علشان نعتاد وقفة الليل مع الرحمن ..

ثبتنا الله و إياكم

و كل سنة و انتم طيبيييييييييييييييين

:)

شهر شعبان ..شهرى

اليوم 3 شعبان

مين يعرف ايه عن الشهر دة ..؟

المفروض موقفنا يكون ايه فيه .. ؟

ما حدش يقول عادى

^_^

لأن شعبان مش اى شهر

.....

دى دعوة للبحث و التفكير

و ليا عودة تانى

تعالوا نتكلم فى...التسويــق 1

كفاية محاسبة ......... ندخل تسويـــــــــــق

Marketing

بجد بجد موضوع لذيذ جدا و مفيد

دماغ الماركتير بتخليك تعرف تتكلم .. تنظم حاجات كتير اوى فى شغلك

مش لازم يعنى تشتغل تسويق علشان تتعلم تسويق

بجد التسويق دة دمااااااااااغ

طيب حنتعرف على ايه ؟؟

ان شاء الله لو ربنا اكرمنا حنتعلم حاجات زى

* نفهم البيزنس يعنى ايه و يعنى ايه تسويق

introduction to business & marketing

* ازاى نسوق لخدمة

marketing services

* ازاى نسوق منتج

marketing products

* ازاى تحدد الفئة المستهدفة

market segments

* التسعير ..على اساس ايه

pricing

* الاتصال

market communications

الموضوع عن جد كبير ... الله المستعان

كفاية كدة النهاردة و الى لقاء آخر

:)

تعالوا نتكلم فى...المحاسبة 2

مع تانى درس فى المحاسبة

و نكمل بعض المصطلحات الاساسية

(4)

الإيرادات revenue

هى كل النقدية اللى داخلة المشروع من النشاط الاساسى

(5)

المصروفات expenses

مفهومة من اسمها :) اى شىء خارج من المشروع و ليس له منفعه مستقبل

(6)

المكاسب profit gains

هى النقدية الداخلة للمشروع و لكن ليس من النشاط الاساسى للمشروع

بمعنى لو عندى مشروع صغير لانتاج الشنط التريكو.. النشاط الاساسى شنط تريكو

طيب لو عندى ماكينة قديمة و بعتها و دخلت ربح للمشروع

يبقى دة مكسب و ليس ايراد

واضح الفرق؟

(7)

اخر حاجة الخسائر losses

معناها واضح برضة و مش محتاج شرح منى

و اكيد بتكون بالسالب طبعا

سهل درس النهاردة

:)

آخر معلومة ...

ان تعريفات النهاردة بتكون قائمة اسمها قائمة الدخل

او يقال عليها قائمة الارباح و الخسارة

تضم فى جانبيها

الايجابى .. الايرادات و المكاسب

و فى السلبى .. المصروفات و الخسائر

بس كدة و الى لقاء آخر ان شاء الله

تعالوا نتكلم فى...المحاسبة 1

اليوم ان شاء الله اول درس فى المحاسبة ...

ايه الهدف من تعلم المحاسبة ..؟

هل سنكون محاسبين محترفين مثلا ؟

لا طبعا

^_^

الهدف ان تتعلم هذه اللغه ببعض مصطلحاتها

تعرف تتكلم مع محاسب مشروعك الصغير او نشاطك التطوعى

و برضه حنتأهل لندير مشروع صغير او نشاط فى بداية حياته المحاسبية

على اساس ان اى مشروع فى هذه الفترة اصلا لا يتحمل مصاريف محاسب محترف

فسنتعلم ما يدير الحياة مؤقتا

و بعدين عندما يكبر النشاط و يأتى المحاسب الكبير .. حنعرف نتعامل معه و نفهم لغته

بسم الله

ماذا سنتعلم ؟

* تعاريف اساسية فى المحاسبة basic definitions

* نقطة التعادل break even point

* تكلفة البضاعة المباعة cost of goods sold

* chart of account

* chart of cost center

* قائمة التدفق النقدى statement of cash flow

بداية ....... اولا تعريفات أساسية فى عالم المحاسبين

(1)

الأصول assets : لها 3 شروط

حاجة يمتلكها مشروعك و له وثيقة قانونية، و يكون تحت سيطرتك، و له منافع فى المستقبل

مثل المبنى.. مثل المواد الخام.. الاجهزة و المعدات و الآلات

و تنقسم الاصول الى ملموسة مثل المبانى و الاجهزة و غير ملموسة مثل العلامة التجارية

و تنقسم ايضا الى اصول متداولة مثل المواد الخام و اصول ثابته مثل المبنى

(2)

الالتزامات liabilities : اى التزام على المشروع

و قد يكون قصير الامد او طويل الامد

مثل القروض باختلاف انواعها

(3)

حقوق الملكية : و هى تضم رأس المال و الأرباح المستحقة للشركاء

و هى تعتبر فى الجانب السلبى من الميزانية العمومية لانها مثل دين على المشروع

كفاية كدة الآن ......

و آخر معلومة ان الميزانية العمومية للمشروع تضم فى جانبيها

الاول . الاصول بكل اشكالها

و الثانى . الالتزامات و حقوق الملكية

الأحداث حاليا

السلام عليكم و رحمة الله و بركاته

أخبارى حاليا ايه ...؟؟

اولا أخذت كورس فى المحاسبة و لظروف لم اكمله لكنى احاول الآن تجميع الصورة كاملة

و الان كورس فى التسويق وو هو فى الحقيقة رااااااااااائع

أخيرا فهمت كثيرا مما كان نفسى افهمه

و ان شاء الله نويت انى انقل جزء مما أخذت هنا على المدونة

لسبيبن اول حاجة علشان المعلومة عندى تثبت فى العقل

و تانى حاجة لافادة حد ممكن يقرأ الكلام دة

و يبقى خيركم من تعلم العلم و علمه

(على فرض ان فى ناس بتدخل هنا يعنى ^_^ )

و على جانب آخر .. مستمرة فى تأهيل نفسى فى جانب التدريب

اقرأ فى كتاب

"التدريب و التدريس الابداعى"

لدكتور طارق سويدان

و برضه باذن الله سأنقل منه بعض الاجزاء هنا

و مازال العمل مستمر فى فريق التنمية البشرية فى جمعية صحابة الخير

و ربنا يكرم و نرى النهاية

و على جانب ثالث نشاطى على الويب ملىء بالأرقام المفجعة... نفسى اجلس لترتيب ايميلاتى و رسائلى

4014 ايميل فى الياهو

1965 فى الهوتميل

676 فى الـــface book

كثير مش كدة؟

بجانب انى لازم اتابع فى منتدى الجمعية لأعوض تقصيرى الفترة اللى فاتت

s7aba.net/forum

بس الخبر الكويس فى الموضوع

انى بدات شىء كان نفسى اعمله من زمان

بدات كتابه موضوع

(شباب-بنات على طريق الزواج سلسلة للشيخ هانى حلمى)

لأنها سلسلة أعجبتنى و أفادتنى جدا و احب انى اشارك الاخرين بها.. فبدأت اخيرا فى ذلك

على المنتدى و ان شاء الله بعد الانتهاء منها هناك

سأنقلها هنا باذن الله

و على جانب رابع مشغولة بـ...آه صح دة شخصى

ما حدش له دعوة

^_^

نلقاكم ان شاء الله مع دروس فى التسويق و المحاسبة