اثنان من قائمة الماسنجر

عرفت اليوم خبر ...

عن شاب أخ من المنصورة ... طالب فى كلية الحقوق

عرفته من خلال مشروع قانون دوت كوم للتوعية القانونية

كان مضاف على قائمة الماسنجر

اليوم عرفت انه مات ..

توفى فى حادث سيارة

و هو راجع من الامتحان

....

انا لله و انا اليه راجعون

.....

كدة يبقى تانى واحد ( ميـــت ) على قائمتى للماسنجر

بعد منة صديقتى من صناع الحياة

رحمة الله عليهم ..

يا رب يكونوا أدوا الأمانة قبل ان يتوفاهم ربنا

و مين قال ان الشباب الصغير لا يدركه الموت؟؟

اللهو ارحمنا إذا صرنا إلى ما صاروا اليه

......

هلاوس امتحانات ....1

هلاوس امتحانات .. 1

ايه حتعمل ايه لو بتذاكر ؟ و رأيك مخالف لرأى السيد الدكتور؟

بلاش دى ... على اساس اننا لسة صغار و لا رأى لنا

^_^

ماذا لو هناك خلاف فقهى فى موضوع معين و بعد عرض الاختلاف الدكتور رجح رأى معين

و أنت تميل لرأى آخر من الفقهاء ؟

وقت المذاكرة ربما الموضع مش مشكلة

ماذا لو فى الامتحان جاء نفس الجزئية؟؟؟

؟؟

الموقف الطبيعى لشبابنا اللى زى الفل

انه سيكتب كما قال الكتاب و عرض للخلاف الفقهى و عرض رأى السيد الدكتور و تأييده بكل الحجج و المدح فيه

و رغم ان عقله بيقوله ايه الرأى دة مش تمام و الرأى التانىى حجته اقوى

لكن مش لازم العقل يشتغل دلوقتى و دعونا فى الامتحان

و كله يهون فى سبيل الدرجات

...

طيب أيعقل هذا ؟؟؟

عشان ايه نلغى تفكيرنا و يعطونا الأمر كمسلمات

غير قابلة للنقاش

نعم .. نعترف اننا لسه صغار .. و لكن ددعوا لنا الفرصة لنكبر

فإن لم يكن الآن و نحن فى ساحة التعلم و التجربة

فمتى ؟؟؟

و لا انكر ان هناك بعض الدكاترة يقولون ... لو مش عاجبك رأيي انقده .. بس يشترط ان يكون نقد فى محله

و خالفنى فى الرأى لو عايز ----- و لسان حاله بيقول لو تقدر يعنى

و نياااااااهاااااااا

(ضحكة شريرة)

يعنى احيانا العيب ليس من الدكتور على افتراض ان نيته سليمة يعنى

^_^

تعالوا لجانب الطلبة ...

ها يا شباب ايه رأيكم فى رأى الدكتور ؟ هل حتخالفوووووه ؟

يا شييييييييييييييييييخة هو انتى صدقتى اللى قاله .. دة بيقول كدة بس

بس لازم لازم لازم نكتب رأيه

(يعنى الثقة فيه معدومة)

و كمان يعنى تتوقعى احنا رأينا حيبقى زى رأيه

(و كمان الثقة فى انفسهم مفيش خااااالص)

:)

و إلى لقاء آخر مع هلاوس امتحانات

آخر أخبارى

عنى .. نعم منذ فترة لم اتكلم عن نفسى

ربما لأنى مشغولة حتى عن التفكير فى حالى ..

جائز

و لكنى اليوم دعونى افكر فى نفسى شوية لأرى كيف حالها

أخر اخبارى أنى مقيمة عند جدتى و أحلى ما يميز صحبتنا احساس كلانا تجاه الآخر بالمسئولية
فهى تشعر بمسئوليتها تجاهى لأنى حفيدتها اللى عندها امتحانات
و انا اشعر بمسئوليتى تجاهها لانها جدتى الكبيرة سنا التى اسعى لراحتها

علشان كدة كلانا يسعى و يعمل جاهدا ليريح التانى

فبجد الحياة حلوة و نضيف على ذلك الهدوء و النظام

فالحمد لله مبسوطة جدا مع جدتى ..

________

هذا عند اول نظرة الى حالى
و اذا نظرنا من فترة سابقة قليلا

وجدتى أصبحت أكثر واقعية
حقاُ لم اكن يوما اعيش فى الخيال و لكن..........
لكنه واقع غير الواقع التى كنت اعيشه

فلنقل جوانب اخرى من الواقع لم اكن احتاج انى اعيشها
اتعلمون لم كل هذا؟

مجرد تداخل اكثر مع اصحاب الكلية
عشت واقعهم و ادركت انه مختلف عن واقعى

ربما كنت اعلم هذا من قبل لكن لم اكن اكرره على مسامعى
نعم نعم اتجاهله ... هذه هو تعبير شبة صحيح
او فلنقل انى اسأت فى تقدير حجمه للأسف

ما علينا الآن ... عندما عشت واقعهم .. حاولت اصلح على قدر طاقتى
و لا انكر انى تحيرت فترة وو تخبطت فترات
و أحسب عند الله انى فعلت الصواب و ادعوه ان يهدينى للصح و يتم نعمته التى أنعمها عليّ

_________

جانب آخر ...
:)
حسنا لا احكى عنه كثير هنا .. فيكفى انى اشعر به فى عقلى
هذا الجانب جديد شوية عليا... مترقبة منه

و فى انتظار القادم ..

و الله هو الولى

____________

شىء آخر و أخير اليوم ..

حاجة فى نفسى استغرب لها كلما افكر فيها

لا ادرى أهو تشوش و عدم استقرار ام شىء طبيعى

الأمر هو

انى فى حياتى اشياء عدة ... اذا نظرت لكل منها على حدة اجدنى ارغب فيها و اريدها .. و اذا جمعت الصورة بكل اجزاؤها اجد الصورة غير طبيعية و غير متسقة

اشياء لا يمكن الجمع بينها و مع ذلك ارغب فى كل منهما

فما الشىء الناقص؟ و ما الشىء الذى يجب الاستغناء عنه؟

حدودى فى التفكير ألا يكون هناك شىء يغضب رب العالمين

و مع ذلك يظل التناقض قاااااااائم بين عدة اشياء تدور فى نفسى

فما السبيل ؟ إلى الآن لم اعرف

!!!!

و اترك نفسى للقدر يسيرنى حتى اتبين الطريق

______________

آخر شىء

بجد آخر شىء

:)

سمعت امس درس لمصطفى حسنى

كانوا كما يحب .. و كان يتحدث عن الامام البخارى

جميل الدرس جدا أعجبنى و أحيا فيا الهمة التى تخمل مع الأيام

ان شاء الله استكمل سماع الجزء الثانى

و باذن الله لو فى فرصه انقل منه اجزاء هنا ..

هلااااااوس امتحانات

قريبا ان شاء هلاااااوس امتحانات

و الله المستعان

دعواتكم

خطوبة أختى و حبيبتى

احمل خبرا لم تطيق جوانحى ان تكتمه

فصرت ابثه لمن اعرف و من لا اعرف

لمن يعرفها و من لا يعرفها

انها صديقتى ..

حبيبة القلب

رفيقة الدرب

انسانة غالية جدا على نفسى

تمت بحمد لله قراءة فاتحتها

على صانع للحياة كريم الخلق و لا نزكى على الله أحد

كم فرحت لفرحها كأنها فرحتى .. و لم ( كأن) و هى فرحتى فعلا

الحمد لله

بارك الله لهما و عليهما و جمع بينهما فى خير

بيت مسلم .. لبنة فى صرح أمة

:)

الحمد لله

و مشتاقة ...

من غير عنوان

الحمد لله

اليوم عملت مناورة .. مناقشة.. خطبة.. و حاجات كتير فى بعض

و نجحت بفضل الله و تأييده فى أخذ مطلب اريده

الحوار كان مع أبى .. الرجل الأول فى حياتى :).. عن مطلب أريده

و هو لم يكن موافق ... لكن مع ميييييييييييييين

ههههههه

وافق بعدها الحمد لله

الآن انا مستعدة لما هو قادم

:)

الموضوع عن حركة المرشدات

و المشاركة فى فعالياتهم

و ان شاء الله خير

و الله ييسر الحال

و معلش مش لاقية عوان مناسب للمشاركة .. فهى احسن كدة

^_^

معقوووول ... راحت المدونة ^_^

حدث هذا معى مرتين ..

فعلا (اتخضيت) و قلبى وقع على الارض

مدونتى راحت ..

اكتب ال

url

و اجد رسالة

"هذه المدونة غير متاحة حاليا و لكن هذا الاسم يسمح بالتسجيل "

ايييييييييييييه

!!!!!

راحت كل كتاباتى و خواطرى و افكارى

لا اله إلا الله

و بعدين اكتشف ان العنوان مكتوب خطأ او ان مكتبة الاسكندرية أجهزتها غير نجهزة لان تدخل على مواقع خاصة

اقول الحمد لله

كدة بقى لازك اعمل

back up

مما اكتب

و لكن لانى خارج البيت حاليا -- عند جدتى الغالية

فلا اجد وقت

ربنا يسهل و دة فى الخطة ان شاء الله

- عفوا اكتب سريعا لانى مستعجلة حقا -

تكريم الحمد لله

الحمد لله حمدا كثيرا طيبا مباركا فيه

و ما منا من نعمة فمن الله

و الفاصيل قااااااااااااااااادمة

^_^

خبرررر حلوووو..وضحت الرؤية

كنت قلت إنى كنت عند طبيب عيون من فترة

و كنت قلت أيضا إنى مش متأكدة من كلامه

المهم ذهبت لآخر من فترة

و الحمد لله قال لى يا بنتى نظرك تمام و سليم

مفيش نظارة و لا تصحيح

وضحت الرؤية الحمد لله

و طمأنى الرجل اراح الله باله

و راح حلم النظارة الشيك

بس خير بردة كدة أفضل

و للتأكد سأذهب لثالث فى وقت ما

^_^

من رباعيات جاهــيــــن

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أن

اأخرس و لكن قلبي مليان كلام

عجبي !!!

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!

أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!!

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!!

- مشكور يا ....صلاح يا جاهين -