عيش أحلى ما فى اللحظة

دة شعار فودافون الجديد

:)

صحيح أنا فودافون .. لكن بصرف النظر عن دة

عجبنى الشعار اوى .. استغل اللحظات .. كل لحظة بلحظتها

أنت طالب >> عيش حياة الطلبة استمتع بحياتهم

بتشتغل بعد الظهر >> عيش حياة الناس العاملة ..استمتع بالحياة للعملية

وقت الامتحانات و المذاكرة الطحن >> استمتع بحياة الناس المطحونة و ان طلباتك فى البيت اوامر

بلاش دماغك تروح فى الخروجة الحلوة مع اصحابك او مع النشاط الفلانى اللى كان نفسك تشارك فيه

من الآخر بلاش تعكنن على نفسك يعنى

استمتع بتجارب النجاح

استمتع بتجارب الفشل

اه فعلا ... حتى اللحظات الصعبة ... عيش أحلى ما فيها

دور فيها حتلاقى حاجات حلوة .. حاجة حلوة .. عيشها و استمتع بها

راكب المواصلات ..الدنيا زحمة و الجو حر

حاول استمتع ...

اقرأ فى كتاب بتحبه

اسمع حاجة من على موبايلك او ام بى ثرى

العب فى الموبايل

انظر من الشباك لو ماشى على الكورنيش مثلا ..اكيد المنظر حلو

اتكلم مع صاحبك فى موضوع يهمك

ابحث و عيش احلى ما فى اللحظة

اكيد فى حاجة حلوة .... بس مين فينا بيلاقيها ؟؟

فترة الطفولة ... حلوة

فترة الشباب حلو بطابع تانى

فترة الزواج و المسئولية فيها لحظاتها المميزة

الابوة و الامومة حلوة

كل الفترات حلوة

بس عيشها بحقها

بلاش تدخل فترة فى فترة

بلاش تشتاق لفترة و انت فى فترة قبلها

عيش احلى ما فى اللحظة ..... احلى ما فى الفترة

خلاص خلص الكلام

بس نختم بحاجة ثابتة فى كل الفترات

نيتك ايه فى الفترة؟

لا تنسى الله ....

هو معك فى كل لحظة .. فى كل فترة

خلى استمتاعك باللحظة فى سبيل الله

:)

علشان تؤجر عليه

و هذا حالنا جميعا نبحث عن الثوااااااب